Баруун Африкийн Нигерт гэрийн нэрмэл архинд 70 гаруй хүн нас барсан тухай мэдээллийг бид хүргэсэн. Тэгвэл Энэтхэгийн Мумбайд ч энэ явдал давтагдлаа. Тодруулбал тус хотын 33 иргэн хууль бусаар найруулсан архинд хордон нас барж, есөн хүний биеийн байдал туйлын хүнд байгаа гэнэ.

Мумбай хотын цагдаагийн газраас мэдээлсэнээр хохирогчид хууль бусаар үйлдвэрлэсэн архи уусныхаа дараа нас баржээ. Мөн албаныхан энэ хэрэгт сэжиглэн гурван хүнийг баривчлаад байгаа юм байна. Энэтхэгт нууцаар үйлдвэрлэсэн архины бизнес сүүлийн үед цэцэглэх болжээ.

Үнийг хувьд хямд бөгөөд 250 мл-ийн нэг шил архи нэг ам.доллар хүрэхгүй үнэтэйгээр худалдаалагддаг байна. Энэ архийг ууж хордож нас барсан тохиолдол удаа дараа давтагдаж байгааг эх сурвалжууд дамжуулжээ.