АНУ-ын Өмнөд Каролина мужийн Чарльстон хотын сүмд халдлага үйлдсэн 20 настай Далюн Рүф анхны мэдүүлгийнхээ үеэр “Өнгөт арьстнууд хүн биш. Тэд үхэх ёстой. Улс хүчирхэг байхын тулд өнгөт арьстнуудаасаа хагацах хэрэгтэй. Фашист Герман, Еврейчүүдээс хэрхэн салсан шиг, эдгээр боолуудаас салах хэрэгтэй” гэж хэлжээ.
Далюн Рүф цагдаа болох төлөвлөгөөтэй, цагдаагийн академид элсэхээр өөрийгөө бэлдэж байжээ. Тэрбээр өдрийн тэмдэглэлдээ өнгөт арьстнууд үзэн яддаг болон хамтдаа автобус, метрогоор үйлчлүүлэхээс ой гутдаг тухайгаа бичсэн байжээ. Гэмт этгээд өнгөрсөн оны наймдугаар сард амиа алдсан Миссури мужийн Фергюсон хотын иргэн 18 настай Майкл Брауны үхлийн дараагаас халдлага үйлдэхээр төлөвлөж байсан гэнэ.
Амиа алдсан хүмүүсийг өчигдөр сүүлчийн замд нь үдсэн байна. Оршуулах ёслолд 2000 гаруй хүн оролцсон бөгөөд Ерөнхийлөгч Барак Обамагийн бие төлөөлөгч оролцож, эмгэнэл илэрхийлжээ. Оршуулах ёслолын үеэр АНУ-ын 40 гаруй хотод байрлах сүмийн хонхнуудыг зэрэг дуугаргасан тухай “CNN” агентлаг мэдээллээ.
Б.Дэлгэрцэцэг
Уншиж байна |