Украины Ерөнхийлөгч асан Виктор Янукович өчигдөр Британийн “ВВС” агентлагт ярилцлага өгсөн билээ. Тэрбээр ярилцлагынхаа эхэнд Киев хотноо өрнөсөн “Майданы хувьсгалыг дарахын тулд цэрэг, армийнханд галт зэвсэг ашиглах зөвшөөрөл өгөөгүй” хэмээн мэдэгдсэн билээ. 2013 оны долоодугаар сард “Удар” намаар удирдуулсан 100 мянган хүн Киевийн Тусгаар тогтнолын талбайд эсэргүүцлийн жагсаал зохион байгуулж, Ерөнхийлөгчөө огцрохыг шаардсан юм. Жагсаалыг тараахын тулд цагдаа нар хүч хэрэглэсний улмаас 120 гаруй хүн амиа алджээ.
Ерөнхийлөгч асан мөн Крым, Оросын эх газар нэгтсэн явдалд сэтгэл дундуур явдгаа ярьжээ. Янукович “Крымийн ард түмэн эцсээ хүртэл эх орондоо үнэнч байх ёстой байсан. Хэрвээ би эх орондоо байсан бол сонгууль болохгүй байсан. Дэндүү харамсалтай. Украин дотроосоо хагаралдсан нь Крымтэй шууд холбоотой” гэсэн байна.
Энэхүү ярилцлагын дараа Украины эрх баригчид дургүйцлээ илэрхийлжээ. Тус улсын Ерөнхийлөгч Петр Порошенко твиттертээ “Янукович бүх зүйл буруутай. Өөр хэн ч биш” гэж жиргэсэн тухай “ТАСС” агентлаг мэдээллээ.
Б.Дэлгэрцэцэг
Уншиж байна |