Монгол Улсын Сонгуулийн ерөнхий хорооны дэргэдэх Мэдээллийн технологийн төвд Бүгд Найрамдах Филиппин Улсын мэдээллийн технологийн инженерүүд ажиллаж байна. Тэд сонгуулийн автоматжуулсан систем, сонгуулийн үйл ажиллагаанд ашиглах техник хэрэгслийн талаар монголын инженерүүдийн туршлагыг судалж, дадлага хийхээр ийнхүү зорьж иржээ.

Удахгүй Монгол Улсад сонгуулийн үйл ажиллагааг автоматжуулсан туршлагыг судлахаар Бүгд Найрамдах Солонгос Улс, Бүгд Найрамдах Энэтхэг Улс, Бүгд Найрамдах Филиппин Улс, Бутаны Вант Улсын сонгуулийн хороодын дарга, инженер техникийн мэргэжилтнүүд ирнэ гэж СЕХ-ны хэвлэл, мэдээллийн төлөөлөгч мэдээлэв.