Буриадын алдарт уран барималч Даши Намдаковын бүтээсэн Их Британийн нийслэл Лондон дахь Эзэн Чингис хааны хөшөөг УИХ-ын гишүүн Д.Бат-Эрдэнэ 2 сая орчим ам.доллараар худалдан авч Монголдоо авчирчээ. Түүхийн үнэт дурсгал болох тус баримлыг гаалийн НӨАТ-аас чөлөөлөх тухай хуулийн төслийг өнгөрсөн баасан гаригт УИХ-д өргөн барьсан.
Харин УИХ-ын чуулганы өнөөдрийн хуралдаанаар Гаалийн албан татвараас чөлөөлөх тухай, Нэмэгдсэн өртгийн албан татвараас чөлөөлөх тухай хуулийн төслүүдийн хэлэлцэн баталлаа. Уг хөшөөг хаана байруулах асуудал сүүлийн олон нийтийн дунд маргаан дэгдээгээд байсан.
Хуулийн төслүүд батлагдсантай холбогдуулан УИХ-ын дарга З.Энхболд ихээхэн үнэ цэнтэй, ховор нандин хөшөө баримлыг эх орондоо авч ирж улсдаа хандивлаж байгаа УИХ-ын гишүүн Д.Бат-Эрдэнэд гишүүдийнхээ өмнөөс баяр хүргээд энэ бүтээлийг Үндэсний цэцэрлэгт хүрээлэнд байрлуулахаар болсныг дуулгасан юм.
Н.Нягт
Уншиж байна |