Монгол Улсын Ерөнхийлөгч Ц.Элбэгдорж зарлиг гаргаж, ЗХЖШ-ын Ажиллагааны удирдлагын газрын дарга Д.Ганзориг, Зэвсэгт хүчний ерөнхий зориулалтын штабын дарга Б.Амгаланбаатар, Хил хамгаалах ерөнхий газрын орлогч дарга Ц.Сайнтөр нарт бригадын генерал цол олголоо.
Бригадын генерал Б.Амгаланбаатар:
-Би зэвсэгт хүчний салбарт 33 дахь жилдээ ажиллаж байна. Өнөөдөр Монгол Улсын Ерөнхийлөгчийн 114 дүгээр зарилгаар Баригадын генерал цол хүртлээ. Төрүүлж өсгөсөн аав, ээж, өссөн нутаг усандаа баярлаж байна. Мөн эрдмийн мөр хөөлгөсөн багш нартаа баярлалаа. Эх орны цэрэг болгосон үе үеийн захирагч дарга нар, хамт олон, найз нөхөддөө гүн их хүндэтгэл илэрхийлж байна.
Бригадын генерал Д.Ганзориг:
-Төрийн дээд цол хүртсэндээ баяртай байна. Төрүүлж өсгөсөн аав ээждээ баярлалаа. Хувь заяаны их хувь тавилан юм. Тэр дундаа Зэвсэгт хүчний нийт бие бүрэлдэхүүний, БХЯ, ЗХЖШ-ын үйл ажиллагаа хамтын хүч байдаг. Тийм болохоор хамт олондоо их баярлаж байна.
Бригадын генерал Ц.Сайнтөр:
-Би Монгол Улсын 168 дахь генерал цолтон боллоо. Бригадын генерал гэх өндөр цол хүртсэндээ маш их баяртай байна. Хил хамгаалах байгууллагад 33 жил ажиллаж байна. Хилчин хүний нүд, чих соргог байх ёстой, аливаа зүлийг ажиглах чанар сайтай байдаг.
Н.Энх
Уншиж байна |