Их Британийн эдийн засгийн шинжилгээний “Jubilee Debt Campaign's” байгууллагын шинжээчид Грек шиг өрийн асуудалд орох эрсдэлтэй орнуудыг нэрлэсэн тухай “www.businessinsider.com” мэдээллээ.

Шинжээчид Засгийн газрын гадаад өрийн хэмжээ нь өндөр, эрсдэл дагуулах 14 орныг нэрлэсэн байна. Уг жагсаалтын наймдугаар байранд Монгол Улс бичигджээ. Энэхүү жагсаалтад орсон орнуудын Засгийн газар хэдийнэ зээлдэгчдээс их хэмжээний зээл авч, өрөө барагдуулах санхүүгийн эс үүсвэргүй болсон гэдгийг онцолжээ  .

Дээрх орнуудын гадаад өрийн хэмжээ ДНБ-ий 30 хувиас давсан, өнөөгийн төсвийн алдагдал ДНБ-ий таван хувиас давсан, өрийн эргэн эрэлт Засгийн газрын орлогыг 10 хувиас  давсан гэж шинжээчид тооцоолсон байна. Эдгээр орон 1-2 жилийн дотор өрийн асуудалд орж, улмаас зээл авах, цаашлаад дампуурлаа зарлах эрсдэлтэй болжээ.  Тус жагсаалтад Баруун Африкийн Кабо-Верде улс, Доминика улс, Этиоп улс, Гана улс, Лаос улс, Мавритани улс, Монгол улс, Мозабик улс, Самоа улс, Сан-Томе болон Принсил улс, Сенегал, Танзани улс, Уганда улс багтжээ.

Шинжээчид 40 хуудас бүхий “The new debt trap” тайлангаа “www.jubileedebt.org.uk” сайтад байршуулсан байна.

Тус тайланд  манай улсын тухай “Монгол Улс байгалийн баялгаараа дэлхийд тэргүүлдэг. Монгол нүүрс гэх мэт баялагтайгаас гадна гадаадын хөрөнгө оруулалтыг дэмжиж, өнөөдрийг хүртэл хамтран ажилласаар байна. Тус улсын Засгийн газар ирэх онд нэг тэрбум ам.долларын зээл авах төлөвлөгөөтэй байгаа.  Гэвч тус улс сүүлийн жилүүдэд санхүүгийн хувьд тогтворгүй болж, төгрөгийн ханш унасан” гэж бичжээ.

Б.Дэлгэрцэцэг