Монгол Улсад Автотээврийн салбар үүсч хөгжсөний 90 жилийн ой энэ онд тохиож байна. Ойд зориулсан арга хэмжээ өнөөдөр хуучны машины үзэсгэлэнгээр эхэллээ. Чингисийн талбайд болж буй үзэсгэлэнд 40 гаруй машин тавигджээ. ОХУ-д үйлдвэрлэгдсэн ГАЗ-12 Зим, ГАЗ-13 Чайка, Москвич 2140, ГАЗ 69Б, ГАЗ-67 зэрэг суудлын автомашинууд тавигдсан байна. Мөн ГАЗ 63 гэсэн ачааны машинаас автобусны загварууд ч авто тээврийн салбарын түүхийг илтгэж байна.

Тээврийн хэрэгслийн түүх, хөгжил, дэвшлийг харуулсан автомашины үзэсгэлэнгээр эхэлсэн баярын арга хэмжээ Чингисийн хөшөөнд хүндэтгэл үзүүлснээр үргэлжлэв.

Одоо “Монгол Улсын тээврийн салбарын замнал, хөгжил” номны нээлт Соёлын төв өргөөнд болох юм. Мөн “Автотээвэр-90” гэрэл зургийн үзэсгэлэн, Баярын хурал, Хүндэтгэлийн концерт Соёлын төв өргөөнд болно.

В.Бат