Германы Канцлер Ангила Меркел шууд нэвтрүүлгийн үеэр эвгүй байдалд оржээ. Тэрбээр “EU” телевизийн “Дүрвэгсэд” нэвтрүүлэгт зочноор оролцсон байна. Энэхүү нэвтрүүлэгт Герман улсад амьдарч, ажиллаж буй дүрвэгчид оролцож, Канцлерээс сонирхсон асуултаа асуужээ.
Нэвтрүүлгийн үеэр Канцлер Палестинаас ирсэн 14 настай Рим гэх охиныг уйлуулсан байна. Охин “Манай аав, ээжид Герман улсыг орхин гарахыг шаардсан бичиг ирсэн. Та гэр бүлийг минь авраач. Тэднийг Германд үлдээхийг зөвшөөрөөч. Та хангалттай эрх мэдэлтэй шүү дээ. Манай гэр бүлд туслаач. Би Германд амьдармаар байна. Би Герман хүүхдүүдтэй найзлахыг хүсч байна. Надад туслаач” гэж хэлжээ.
Римийг ийнхүү хэлсний дараа Канцлер “Тэдэнд Германыг орхин гарах шаардах бичиг ирсэн бол би яаж ч чадахгүй. Би танай гэр бүлд туслаж чадахгүй” гэж хариулжээ. Энэхүү хариултын дараа охин уйлж “Би энэ улсад амьдармаар байна” гэжээ.
Нэвтрүүлгийн дараа үзэгчид “Канцлерийг яг л араатан шиг зан гаргалаа”, “Хөөрхий охиныг өрөвдсөнгүй” гэж шүүмжилжээ. Канцлер твиттертээ “Үнэхээр хэцүү байна. Надад тэр цагаачдыг Герман үлд гэж хэлэх эрх байхгүй. Бүх зүйл ёс журмаараа явах ёстой” гэж жиргэжээ.
Б.Дэлгэрцэцэг
Уншиж байна |