Өвөрмонголын нийслэл Ордос хотноо энэ сарын 10-нд хятадын цагдаа нар 20 жуулчинг баривчилжээ. Баривчлагдсан жуулчдын дунд Их Британи, Энэтхэг, Өмнөд Африкийн иргэд байгаа хэмээн “Ройтерс” агентлаг мэдээллээ. Жуулчдыг Их Монгол улсыг байгуулсан, дэлхийн талыг эзэлсэн Чингис хааны тухай өгүүлэх киног зөвшөөрөлгүйгээр зочид буудлынхаа өрөөнд үзсэн хэмээн буруутгаж, баривчилсан байна. 

Цагдаа нар жуулчдыг терроризмыг өдөөн турхирсан хэмээсэн байна. “Чингис хааны тухай өгүүлэх кино үзэх нь хууль бус биш” хэмээн Ордос хотын иргэд хэвлэлийнхэнд мэдэгджээ.

Энэ сарын 15-нд Хятадын удирдлагуудын зөвшөөрөлтэй Их Британийн зургаан иргэн, Өмнөд Африкийн таван иргэнийг нутаг буцаасан хэмээн “Синьхуа” агентлаг мэдээлжээ. Суллагдаагүй жуулчдыг энэ сардаа багтаан нутаг буцаах болно гэдгээ албаныхан амласан байна.

Б.Дэлгэрцэцэг