Улаанбаатар
Туркт халдлага гарч, 30 хүн амиа алджээ
2015-7-21

Турк, Сирийн хилийн бүс Сүрүч тосгонд амиа золиослогч этгээд тэсрэх бөмбөг дэлбэлсний улмаас 30 хүн амиа алдаж, 100 гаруй хүн гэмтсэн тухай “CNN” агентлаг мэдээллээ. Халдлагын дараа тус улсын Ерөнхий сайд Ахмед Давутоглу Сүрүч тосгоны хамгаалалт, аюулгүй байдалд онцгой анхаарал тавихаа мэдэгдсэн байна.

 

Амиа золиослогч этгээд эмэгтэй хүн байжээ. Албаныхан гэмт этгээдийг Ойрхи Дорнодод хяналтаа тогтоохыг санаархаж буй “Халифын вант улс” бүлэглэлийн дайчин байж болзошгүй хэмээн сэжиглэж буйгаа нуугаагүй аж.

 

Халдлагын дараахан Истанбул хотын иргэд эсэргүүцлийн жагсаал зохион байгуулж, эрх баригчдыг ард түмнээ хамгаалахыг уриалжээ. Цагдаа нар жагсаалыг тараахын тулд нулимс асгаруулагч ашигласнаас болж мөргөлдөөн үүссэн байна.

 

Б.Дэлгэрцэцэг

Shuud.mn
Сонин хачин
Зочин:
turegiin undsen shutleg n boo morgol,tenger gazraa shutdeg. Iim shutlegtei humuus ch odoo olon bdag yum bilee.
2015-07-21