Украины автонамит муж Крымийн ард түмэн өнгөрсөн онд бүх нийтийн сонгууль явуулж, Оросын эх газарт дагаар орсон билээ. ОХУ-ын Ерөнхийлөгч В.Путин сонгуулийн дүнг хүлээн зөвшөөрч, сонгогчдын саналыг хүндэтгэсэн юм. Крым, Орост нэгдсэний дараа АНУ тэргүүтэй Европын орнууд дургүйцлээ илэрхийлж, эдийн засаг, худалдаа, аялал жуучлал, боловсролын салбарт хориг тавьж, эзэлсэн газар нутгаа Украинд эргүүлэн өгөхийг шаардсаар байна.

Украины Ерөнхийлөгч Петр Порошенко өчигдөр “Крымийг буцаан авахын тулд Оростой хүчээ үзэхэд ч бэлэн байна” гэж мэдэгджээ. Тэрбээр “Орос сонгууль гэх сайхан үгээр Крымийг өөрийн болгосон. Крымийг эргүүлж өг” хэмээн мэдэгдсэн тухай “TASS”агентлаг мэдээллээ.

Энэхүү мэдэгдлийн дараа Оросын Засгийн газар “Крымийн ард түмний сонголтыг хүндэтгэсэн. Энэ бол хууль бус зүйл биш. Орос сонгогчдыг дарамталж, санал хураалтад хөндлөнгөөс оролцоогүй гэдгийг олон улс батлах болно. Крым бол Оросын нэгээхэн хэсэг. Газар нутгийнхаа бүрэн бүтэн байдлын төлөө дайсантай нүүр тулахад бэлэн. Крымийн асуудлаар ОХУ дахин Украины удирдлагуудтай хэлэлцээрийн ширээний ард суухгүй” гэжээ.

Украины сөргөлдөөний бүс гэгдээд буй салан тусгаарлагчдын хяналтад байгаа Донецк, Луганск мужийн удирдлагууд ирэх арваннэгдүгээр сард орон нутгийн сонгууль явуулахаа мэдэгджээ. Сонгуулийн үр дүнгээр тусгаар улс болох эсэхээ шийдвэрлэх гэнэ.

Б.Дэлгэрцэцэг