Улиастай-Гачуурт чиглэлийн 11 км авто замыг шинэчилж буй. Уг замын суурь хучилт хийх, хоёр гүүрийн засварын ажлыг гүйцэтгэхтэй холбогдуулан замыг хэсэгчлэн хаахаар болжээ.  “Их хайрхан” амралтын газраас “Монгол шилтгээн” хүртэлх 1 км хуучин авто замыг энэ сарын 30-ны 23.00 цагаас ирэх сарын 05-ны 06.00 цаг хүртэл хаана.

Түр зам гаргах боломжгүй учир иргэд 1 км явган алхаж “Их хайрхан” амралтын газрын үүднээс нийтийн тээврийн автобусаар хот руу зорчино. Мөн “Монгол шилтгээн”–ээс Гачууртын эцсийн буудал хооронд нийтийн тээврийн автобус богино эргэлт хийж  үйлчлэх юм.

Улиастай-Гачууртын 11 км авто замыг гэрээ ёсоор наймдугаар сарын 30-нд хүлээлгэн өгөх ба одоогоор ажлын явц 44 хувьтай байна.