Монголын хөрөнгийн бирж энэ оны эхний хагас жилд үнэт цаасны арилжааг нийт 125 удаа зохион байгуулж нийт 290.6 тэрбум төгрөгийн гүйлгээг хийсэн байна. Энэ нь өнгөрсөн оны мөн үед 12.9 тэрбум төгрөгийн арилжаа хийж байсантай харьцуулахад 23 дахин өссөн үзүүлэлт юм. Мөн 2014 онд өдрийн дундаж арилжааны дүн 100.7 сая төгрөг байсан бол энэ оны эхний хагас жилд 2.3 тэрбум төгрөгт хүрчээ. 

Хөрөнгийн зах зээлд оролцогч гадаад, дотоодын хөрөнгө оруулагчдын арилжаанд оролцох идэвх эрс нэмэгдэж 2015 он гараад биржийн нийт арилжааны дүн 290 тэрбум төгрөгт хүрсэн байна. Гадаадын хөрөнгө оруулагчдын арилжааны үнийн дүн өнгөрсөн оны мөн үетэй харьцуулахад 2 дахин нэмэгдэж, 4.1 тэрбум төгрөг болжээ. Энэ он гарсаар 11 540 данс шинээр нээгдэж ийм хэмжээн хөрөнгө оруулагчид хөрөнгийн зах зээл орж ирсэн байна.