Иракийн хэт даврагч “Халифын вант улс” бүлэглэл өчигдөр ижил хүйстнүүдийг хэрхэн шийтгэж буй дүрс бичлэгээ олон нийтийн сүлжээнд байршуулсан тухай “www.dailymail.co.uk” мэдээллээ.Тус бичлэгт хэт даврагчид ижил хүйстэн гэгдэх 30 залууг чулуугаар цохиж, аминд нь хүрч буй нь бичигджээ.
Хэт даврагчид энэ онд ижил хүйстэн гэх шалтгаанаар 124 залуугийн аминд хүрсэн билээ. Өмнө нь өндөр барилга дээрээс залуусыг шиддэг байсан бол энэ удаад чулуугаар цохиж тэднийг хороосон байна.
АНУ-ын Хүний эрхийн байгууллагын төлөөлөгч Саманта Повер хэт даврагчдыг буруутгаж хүний эрх, эрх чөлөөг хүндэтгэхийг хэт даврагчдаас шаардаж, олон улсыг энэ асуудалд гол анхаарлаа хандуулахыг уриалсан байна.
Сирийн Хүний эрх, дүрвэгсдийн асуудал хариуцсан мэргэжилтэн Суби Нахас “Амиа алдаж буй залуус үнэхээр ижил хүйстэн гэдгийг хэн ч мэдэхгүй. Хэт даврагчид олон нийтийг айдаст автуулахын тулд худлаа цуурхал тарааж, гэмгүй залуусыг хохироож байна. Миний бодлоор хэт даврагчдын хяналтад ороод буй бүс нутагт амьдардаг залуус өөрийгөө ижил хүйстэн хэмээн зарлах зоригтой хүн байхгүй гэдэгт итгэлтэй байна. Хэт даврагчид санаатай аллага үйлдэж байна” гэж хэлжээ.
Тус бүлэглэлийг дуурайж Пакистаны хэт даврагч “Хамас” бүлэглэл болон Нигерийн хэт даврагч “Боко Харам” бүлэглэл олон залуусыг ижил хүйстэн хэмээн буруутгаж, амийг нь хороож эхэлжээ.
Б.Дэлгэрцэцэг
Уншиж байна |