Замын цагдаагийн газарт өнгөрөгч амралтын өдрүүдэд согтууруулах ундааны зүйл хэрэглэсэн үедээ зам тээврийн осолд холбогдсон жолооч тав, явган зорчигч гурав бүртгэгджээ. Мөн согтуугаар тээврийн хэрэгсэл жолоодсон 222 жолоочийг илрүүлж гарч болзошгүй осол хэргээс урьдчилан сэргийлж ажилласан байна.
Маргааш буюу есдүгээр сарын 1-ний өдөр их, дээд сургууль болон ерөнхий боловсролын сургууль, цэцэрлэгийн 2015-2016 оны хичээлийн шинэ жилийн нээлт болно. Энэ өдөр замын хөдөлгөөний ачаалал ихсэж, ялангуяа явган зорчигчдийн хөдөлгөөн эрс нэмэгддэг.
Мөн өдөр шинэчлэн батлагдсан Монгол Улсын Замын хөдөлгөөний аюулгүй байдлын тухай хууль мөрдөгдөж эхэлнэ. Иймд замын хөдөлгөөнд оролцогчдийг бие биедээ хүндэтгэлтэй хандаж, аюулгүй байдлаа сайтар ханган, хууль, дүрмийн дагуу замын хөдөлгөөнд оролцохыг Улаанбаатар хотын замын цагдаагийн газраас анхааруулж байна.
Б.Хүлэг
Уншиж байна |