Шинэ хууль хэрэгжиж эхэллээ. Өнөөдрөөс Монгол Улсын нутаг дэвсгэрт замын хөдөлгөөний аюулгүй байдлыг зохицуулах Замын хөдөлгөөний аюулгүй байдлын тухай хууль хүчин төгөлдөр мөрдөгдөнө.
Зөвхөн жолооны ард суугаад жолоо мушгих жолоочид бус тээврийн хэрэгслээр болон явган зорчигчид, эцэг, эх, асран хамгаалагчид, албан тушаалтанд, замын хөдөлгөөнд оролцож яваа хэн бүхэнд хамааралтай хууль батлагдсан билээ.
Уг хууль хэрэгжиж эхлэхтэй зэрэгцэн торгууль бас дахин торгууль гэж айх, дургүйцэх нэг хэсэг, явган явсан ч ядраагүй царайлж, цоглог байх хэрэгтэй гэлцэж тоглоом, шоглоом болгох нөгөө талынхан, ямар алдаа гаргавал яаж торгуулахыг судалж, болгоомжлох бусад хүмүүс байхад чангахан хуультай байх нь дээр гэж үзэх олон ч бас байна.
Шинэчлэн баталсан Монгол Улсын замын хөдөлгөөний аюулгүй байдлын тухай хуулиар жолооч болон зорчигчдийн үүргийг нэмэгдүүлж, хариуцлагыг чангатгаж өгсөн. Хууль зөрчигчдийн халаастай нь “тулж ажиллах” торгуулийн хариуцлагыг нэлээн оруулж өгсөн.
Тухайлбал,
Буруу талаар гүйцэж түрүүлбэл |
19.200 |
Замын хөдөлгөөний дүрмийн дагуу машин чирээгүй бол |
28.800 |
Санаатай огцом тоормословол |
19.200 |
Зөвшөөрөлгүй тусгай гэрэл дохио ашиглавал |
96.000 |
Шалтгаангүйгээр хэт удаа явбал |
19.200 |
Хурд хэтрүүлвэл |
48.000 төгрөгөөр торгож, жолоодох эрхийг зургаан сарын хугацаагаар хасах |
Бүрэн бус гэрэлтүүлэгтэй замын хөдөлгөөнд оролцвол |
19.200 |
Зорчигч хамгаалах бүс зүүгээгүй бол |
9.600 |
102, 103 буюу эмнэлэг, галын яаралтай дуудлагын машинд зам тавьж өгөөгүй бол |
19.200 |
Хориглосон гэрлэн дохиогоор зорчвол |
19.200 |
Жолоодох эрхээ хасуулсан этгээд согтуугаар автомашин жолоодвол |
768.000 |
Төмөр замын хориглосон дохио зөрчиж гарвал |
48.000 |
Явган хүний гарц дээр зогсвол |
19.200 |
Жолоо барьж явахдаа утсаар яривал |
9.600 |
Замын хөдөлгөөний аюулгүй байдлыг хангаж чадахааргүй өвчтэй буюу ядарсан үедээ тээврийн хэрэгсэл жолоодсон бол |
48.000 |
10 хүртэлх насны хүүхдийг харгалзах хүнгүйгээр замын хөдөлгөөнд оролцуулж, энэ нь замын хөдөлгөөний аюулгүй байдлын зөрчилд хүргэсэн бол эцэг эх, асран хамгаалагч, бүх шатны боловсролын байгууллагын холбогдох албан тушаалтныг |
192.000 |
Явган зорчигч согтуугаар Замын хөдөлгөөний дүрэм зөрчсөн бол |
48.000 |
Явган зорчигч замын хөдөлгөөний дүрэм зөрчсөн бол |
19.200 |
Согтууруулах ундаа хэрэглээд давтан машин жолоодвол |
30 хоногийн хугацаагаар баривчлах |
Согтуугаар машин жолоодвол |
384.000 төгрөгөөр торгож, 6-24 сарын хугацаагаар жолоодох эрхийг хасна |
Шинэ хуульд ингэж заасан.
Улаанбаатар хотын замын цагдаагийн гарын алба хаагчид зөвхөн нэг хоногт архи, согтууруулах ундааны зүйл хэрэглэсэн үедээ автомашин жолоодсон 100 гаруй жолоочийг илрүүлэн, болзошгүй аюул, ослоос урьдчилан сэргийлж ажилладаг. Гэтэл түүний цаана согтуугаар тээврийн хэрэгсэл жолоодож яваад өөрийн болон бусдын амь нас, эрүүл мэндийг хохироосон хэргүүд цөөнгүй бүртгэгддэг.
Тайван, амгалан манай улсад өдөр бүр зам тээврийн ослоор хүн нас барж байна. Ганцхан сарын хугацаанд 50 гаруй хүүхэд автын осолд өртсөн тоо баримт бий.
Осол аваарыг бууруулахад, хууль, дүрэм зөрчигсдийг хариуцлагатай болгоход эрх зүйн орчин чухал нөлөөтэй билээ. Тиймдээ ч нарийн заалттай хууль батлагдан, хэрэгжиж эхэллээ. Гэхдээ та хуульд заасныг дагаж, зөрчихгүй бол шинэ хуулиас айхын хэрэггүй. Хэдийгээр торгууль өндөр мэт боловч та хуулиа зөрчихгүй бол ямар ч асуудал байхгүй. Та өөрөө болон дэргэдээ яваа зорчигчийнхоо бүсийг зүүлгээд хөдөлгөөнд оролцчих. Хэдий яарч байсан ч буруу зөвгүй гүйцэж түрүүлэх гээд бусдыг бухимдуулалгүй эгнээ байраа зөв эзлээд явахад хэн хэндээ хүндрэлгүй. Шар гэрэл асч байхад амжина гээд хааз гишгэлгүй, гэрлээр гарч буй явган зорчигчоо айлгаж дохиогоо хангинуулалгүй хөдөлгөөндөө оролцоод сурчихвал бүгдэд маань л хэрэгтэй. Хууль дүрмээ баримтлаад явж байхад таныг замын хөдөлгөөнд оролцож буй бүгд хүндлэх болно.
Замын хөдөлгөөний аюулгүй байдлын тухай хууль тогтоомж зөрчсөн этгээдэд ямар торгууль шийтгэл ногдуулах вэ. Дэлгэрэнгүйг http://www.shuud.mn/content/read/456988.htm линкээр орж үзнэ үү.
Б.Буд