Хууль зүйн яамны харъяа агентлаг, байгууллагууд хамтран зохион байгуулж буй “Хууль тогтоомж сурталчлах нэгдсэн арга хэмжээ” энэ өдрүүдэд хаяж, үрэгдүүлсэн цахим үнэмлэхийг нөхөн олгох ажлыг доорхи газруудад зохион байгуулахаар болжээ. Үүнд:

2015.09.07- Баянзүрх дүүрэг Жуковын хөшөөний урд талбай
2015.09.08- Баянгол дүүрэг Өргөө кино театрын урд талбай
2015.09.09- Сонгинохайрхан дүүрэг Соёмбо кино театрын урд талбай
2015.09.10- Сүхбаатар дүүрэг Чингисийн талбай
2015.09.11- Чингэлтэй дүүрэг Тусгаар тогтнолын талбай
2015.09.14- Хан-Уул дүүрэг Соёлын төвийн байрны урд талбай

Тодруулбал, цахим үнэмлэхээ хаяж, үрэгдүүлсэн иргэд харъяалах дүүрэгтээ зохион байгуулагдах дээрх арга хэмжээнд 11.00-14.00 цагийн хооронд өөрийн биеэр очиж захиалга өгөөд тухайн өдрийнхөө 16.00 цагаас үнэмлэхээ буцааж авах юм байна.

Мөн уг арга хэмжээний үеэр нийслэлийн зургаан дүүргийн иргэд ТҮЦ машин байрлаж байгаа аль ч газраас захиалга өгөх боломжтой . Захиалгаа өгснөөс хойш 2 хоногийн дараа  өөрийн оршин суугаа хорооноосоо цахим үнэмлэхээ авч болох аж.

Харин гадаад паспортын хугацааны захиалгыг /харъяалал харгалзахгүй/ 11.00-14.00 цагийн хооронд хүлээн авч 16.00 цагт буцаан олголтыг хийнэ. Хэрэв та 14.00 цагаас хойш гадаад паспортаа сунгуулахаар захиалга өгсөн тохиолдолд маргааш өдрийн 15.00 цагаас  УБЕГ-ын зуун айлд байрлах гадаад паспортын олголтноос хүлээн авах боломжтой ажээ.

П.Наран