Улаанбаатар
Хятадын интернэтийн од ял авчээ
2015-9-11

 

Твиттерийн хятад хуулбар гэгддэг “Weibo”-д 2.5 сая дагагчтай Гуо Мей бүсгүй шүүхээс таван жилийн хорих ялаар шийтгүүлсэн тухай “www.dailymail.co.uk” мэдээллээ.

 

Тэрбээр 2013 оноос Хятадын интернэтийн од хэмээн нэрлэгдэх болсон Гуог шүүхээс хууль бус мөрийтэй тоглоом зохион байгуулсан, мөнгө угаасан хэмээн буруутгасан байна. Мөн хоёр жилийн хугацаанд иргэдээс 20 мянган ам.долларыг залилсан гэв.

 

Бүсгүй өнгөрсөн оноос эхлэн олон нийтийн сүлжээгээр өөрийн тансаг амьдралаа сурталчлахаас гадна их хэмжээний бэлэн мөнгөний зургийг “Weibo”-д нийтлэх болжээ.

 

Ажил эрхэлдэггүй мөртлөө, хэтэрхий тансаг амьдралтай Гуог интернэт хэрэглэгчид шалгахыг цагдаа нараас хүсчээ. Тэрбээр хоёр жилийн хугацаанд Бээжинд төвтэй “Улаан загалмай” нийгэмлэгт ерөнхий зохицуулагчийн ажил хийдэг байсан ч, энэ оны эхээр ажлаасаа гарсан байна. Түүнийг өнгөрсөн гуравдугаар сарын 14-нд гэрээс нь баривчилсан аж. Тэрбээр хууль бус мөрийтэй тоглоом зохион байгуулах үедээ баригджээ. Гэхдээ бүсгүй мөрийтэй тоглоом тоглож байсан хүмүүсийг найз нараа хэмээн цагдаа нарт мэдээлж, төрсөн өдөр нь болж байсан учир ийнхүү мөрийтэй тоглож байсан хэмээн тайлбарласан байна. Тэрбээр тансаг амьдралынхаа тухай цагдаад “Би хэд хэдэн ивээн тэтгэгчтэй. Бас миний тойрон хүрээлэлд байдаг хүмүүс баячууд” гэж мэдэгджээ.

 

Б.Дэлгэрцэцэг

Shuud.mn
Сонин хачин
Зочин:
Goy yumaa huulindaa unen zahiragddag oron Ain 76 gar suraltsmaar yum
2015-09-12
Зочин:
huulitai oron goy yumoo
2015-09-12
иргэн:
манайд бол ийм хүмүүм юун шорон сайд их хурлдын гишүүн болно, төрийн одон медаль авна хөгжилтэй ш дээ
2015-09-11
Hyatadaas:
Bidend surah zuil ih shu!!! Za ingeed helcheer Hujaa hunhuuzaar duudaad unawda ALL
2015-09-11