Нийслэлийн Хан-Уул дүүргийн 15 дугаар хорооны 29, 30 дугаар байрны иргэдийн эрх зөрчигдөөд байна.
Тодруулбал, "Нарантуул" захын босс Ш.Сайхансамбуу тус дүүргийн нутаг дэвсгэрт орших өөрийн эзэмшлийн "SS club"-ын хашааны гадна талд 29, 30 дугаар байрны нийтийн эзэмшлийн талбайд тулгаж орон сууц барихаар завджээ. Энэ нь дээрх байрнуудын иргэдийн эрх ашгийг зөрчиж байгааг оршин суугчдын төлөөлөл мэдээллээ.
Тиймээс 29, 30 дугаар байрны иргэд амгалан тайван, ая тухай амьдрах эрхээ хамгаалж, нийтийн эзэмшлийн талбайд шунаж буй компани, хүмүүстэй тэмцэнэ гэдгээ мэдэгдэв.
Уншиж байна |