Ерөнхий сайд асан Н.Алтанхуягийн ахлах зөвлөх, Шинэчлэлийн Засгийн газраас хэрэгжүүлсэн “Нүүрс” хөтөлбөрийг ахалж ажилласан Л.Гансүх, “Эм Жи Эл Эс Би” компанийн захирал Н.Даваахүү, тус компанийн нягтлан бодогч Б.Мөнгөнтуяа нарт холбогдох эрүүгийн хэргийг шүүх хурал Баянзүрх, Сүхбаатар, Чингэлтэй дүүргийн эрүүгийн хэргийн анхан шатны шүүхэд дөрөв дэх өдрөө үргэлжилж байна.
Шүүх хуралдааныг олон нийтийн мэдээллийн хэрэгслээр шууд дамжуулан хүргэж байгаа. Өчигдөр шүүгдэгчдийн өмгөөлөгч шүүх хуралдааныг даргалагч шүүгч, улсын яллагчаас татгалзсан хүсэлт гаргасан боловч шүүх татгалзлыг үндэслэлгүй гэж үзэн, хүлээж авалгүйгээр шүүх хуралдааныг үргэлжлүүлсэн.
Өчигдөр Ерөнхий сайд асан Н.Алтанхуяг гэрчээр оролцож, мэдүүлэг өгсөн. Яг одоо Л.Гансүхийн өмгөөлөгч Ц.Баасандорж шинжээчээс асуулт асуун тайлбар авч, шүүх хуралдаан үргэлжилж байна.
Б.Хүлэг
Уншиж байна |