БНХАУ-ын удирдагч Си Зиньпин гэргий Пэн Лиюанийн хамтаар АНУ-д долоон хоногийн хугацаатай төрийн айлчлал хийж байна.
Айлчлалын хүрээнд АНУ-ын тэргүүн хатагтай Мишель Обама болон Пэн Лиюань нар Вашингтон хотноо байрлах Смитсоны үндэсний амьтны хүрээлэнд зочилсон тухай “CNN” агентлаг мэдээллээ.
Тус амьтны хүрээлэнгийн эзэн Эдвард Ленон гэгч тэргүүн хатагтай Пэн Лиюанийг өнгөрсөн сарын 14-нд мэндэлсэн панда баавгайнд нэр хайрлахыг хүсчээ. Тэргүүн хатагтай бяцхан пандад Бэй Бэй гэх нэрийг хайрласан байна.
Хятадын төрийн мэдлийн “Синьхуа” агентлагийн мэдээлснээр “Тэргүүн хатагтайн хайрласан Бэй Бэй гэдэг нэр нь хятадаар “үнэт эрдэнэ, үнэт амь” гэсэн утгатай” гэжээ.
2005 оноод хойш Хятад улс Америкт 40 гаруй панда бэлэглэсэн байна.
Б.Дэлгэрцэцэг
Уншиж байна |