Ашигт малтмалын тусгай зөвшөөрлийг цахимаар олгох явцад систем гацсан асуудалд АМГ-ын дарга Д.Үүрийнтуяа “Ил тод уул уурхай” хэвлэлийн бага хуралд оролцох үеэрээ тайлбар өглөө.
Ашигт малтмалын газраас хайгуулын тусгай зөвшөөрлийг цахимаар олгох ажлын сүүлийн өдөр серверт алдаа гарч, гацсан. Тэгвэл Тагнуулын ерөний газар, Кибер аюулгүй байдлын газар, Ашигт малтмалын газар болон Эрүүгийн цагдаагийн газрын төлөөлөл багтсан нэгдсэн ажлын хэсэг шалтгааныг тодруулжээ. Кибер аюулгүй байдлын газраас системд шалгалт хийгээд лиценз олгох системийн кодонд алдаа гарсан учраас II сервер унтарч, ассан гэсэн дүгнэлт гаргасан. Тиймээс хэн нэгний санаатай үйлдэл болон халдлагын шинж чанартай зүйл байхгүй гэдгийг АМГ-ын дарга Д.Үүрийнтуяа хэлэв.
Мөн сонгон шалгаруулалтын материал хүлээн авсан, ахлах мэргэжилтэн Г.Пүрэвжав хүнд суртал гаргаж, ажилдаа хариуцлагагүй хандсан гэх асуудалд “Аж ахуй нэгж байгууллагууд цаг тулгаж ирснээс сүүлийн өдөр ачаалал нэмэгдсэн тулд хүн нэмж ажлуулсан. Ингэснээр нэг компанид дунджаар 5 минутын хугацаа зарцуулж байсан бол 2 минутын хугацаанд материалыг хүлээж авч ажлыг хурдасгасан” гэдэг тайлбарыг өглөө.
Г.Тэгшсүрэн
Уншиж байна |