“УИХ-ын нэг гишүүн Засгийн газрын гишүүнийг огцруулах асуудлыг хөндөж байгаа нь Үндсэн хууль зөрчиж байна” гэсэн ҮХЦ-ийн дүгнэлтийг намрын чуулганы хэлэлцэх асуудлын  эхэнд хэлэлцэж байгаа билээ. Үүнтэй холбоотойгоор ЗГХЭГ-ын дарга С.Баярцогтыг  огцруулах асуудлын хэлэлцүүлгийг хойшлуулсан. Түүнийг огцруулах асуудлыг өргөн барьсан О.Баасанхүү гишүүн “Засгийн газар ҮХЦ-д мөнгө төлж,  дээрх дүгнэлтийг гаргууллаа” хэмээн  хэвлэлээр мэдээлсэн нь үндэслэлгүй зүйл  гэсэн тайлбарыг ЗГХЭГ-ын дарга С.Баярцогт хийв.

Энэхүү шийдвэрийг УИХ-ын гишүүн О.Баасанхүү ЗГХЭГ-ын дарга С.Баярцогтыг огцруулах хуулийн төсөл өргөн барьсантай холбогдуулж цэц маргааш нь ийм шийдвэр гаргалаа хэмээн мэдэгдсэн юм.  

ЗГХЭГ-ын дарга С.Баярцогт:

-ҮХЦ-ийндүгнэлт нь О.Баасанхүү гишүүний ярьж байгаа шигтэй адил байгаагүй. Арван сарын өмнөөс энэ асуудлыг иргэн П.Баттулга, М.Мөнхжаргал, Б.Төрболд, Б.Эрхэмбаяр нар анх гаргаж тавьсан. Хамгийн сүүлд ҮХЦ  уг асуудлаар энэ оны 9 дүгээр сарын 9-нд хуралдаж, дүгнэлтээ гаргасан.  гэсэн тайлбар өгөв.

Мөн өнгөрсөн 7 хоногт Засгийн газар цэцэд 300 сая төгрөг шилжүүлсэн гэх мэдээлэл тарж, УИХ-ын гишүүн О.Баасанхүү хэвлэлд тодруулга байна.  Үндсэн хууль батлагдсаны 25 жилийн ойг ёсчлон тэмдэглэх тухайд хөрөнгө гаргахаар болсон. Түүнээс цэцэд мөнгө төсөвлөсөн зүйлгүй. Тус ойг тэмдэглэх асуудал дөрвөн сарын өмнөөс яригдаж, Ерөнхийлөгчийн зарлиг энэ оны 8 дугаар сарын 28-нд гарсан. Зарцуулах хөрөнгийн нийт дүн 933 сая 960 мянган төгрөг. Үндсэн хууль батлагдсаны 25 жилийн ойг 2017 онд тэмдэглэнэ.  Одоогоор нэг ч төгрөгийн санхүүжилт хийгээгүй. 

О.Баасанхүү гишүүн “Би есдүгээр сарын 6-нд С.Баярцогт сайдыг огцруулах асуудлыг өргөн барьсан” хэмээн зарим хэвлэл мэдээллийн хэрэгсэлд ярьсан.  Тухайн өдөр нь бүтэн сайн өдөр таарсан байна. УИХ нэг ч удаа амралтын өдөр хуулийн төсөл хүлээж авч байгаагүй. УИХ-ын гишүүн О.Баасанхүү намайг огцруулах шийдвэрийг есдүгээр сарын 8-нд өргөн барьсан гэлээ. Түүнийг албан тушаалаас нь  огцруулах үндэслэлийг хэрхэн үзэж байгаа тухайд ЗГХЭГ-ын дарга С.Баярцогт:

-Албан тушаалаас нь огцруулах тухай асуудлыг “Хүлээж авах боломжгүй”.  Учир нь ёс зүйн хувьд тухайн үед нийт иргэдээсээ уучлалт гуйж, хариуцлага хүлээж УИХ-ын дэд даргын албан тушаалаа өгсөн. Хоёрдугаарт, үндэслэлгүйгээр ажлаас хүмүүсийн тухай асуудалд ЗГХЭГ нэг ч холбогдолгүй. Гуравдугаарт, Засгийн газар, УИХ-ыг муу холбон ажиллаж байна гэсэн. Харин ч харьцааг нь сайн барьж ажиллаж байгаа хэмээв.

Н.Энх