Өнгөрөгч амралтын өдөр Оросын сөнөөгч онгоцууд Сирийн ойролцоох Туркийн агаарын хилд зөвшөөрөлгүй нэвтэрсэн билээ. Сөнөөгч онгоцууд 10 минут орчим дүрэм зөрчсөн хэмээн Туркийн албаныхан мэдээлсэн.
Тэгвэл энэхүү мэдээллийн дараа “НАТО”, Сири улсад цэргийн ажиллагаа явуулж байгаа Оросын армийн бүрэлдэхүүнийг буруутгасан тухай “CNN” агентлаг мэдээлэв. “НАТО”-ийн тэргүүн Жэнс Столтэнбэрг “Орос санамсаргүйгээр Туркийн агаарын хилийг зөрчсөн хэмээн мэдээлсэн. Гэхдээ би эсрэг байр суурьтай байна. Оросын үйлдэл санаатайгаар дайныг өдөөн турхирч буйтай утга нэг. Тэдний үйлдэл хэтэрхий ноцтой. Хэрвээ Оросын байлдааны онгоцууд руу туркууд сануулга өгөхгүйгээр галласан бол яах байсан вэ” гэж хэлжээ.
Тэрбээр Белгийн нийслэл Брюссель хотноо болсон хэвлэлийн хурлын үеэр “Оросын үйлдэл хууль бус. Энэ бол санамсаргүй алдаа биш. Энэ асуудлын ард ямар нэгэн нууц бий” гэсэн байна. Оросын сөнөөгчид Туркийн агаарын хилийг хоёр удаа нэвтэрсэн бөгөөд энэ асуудалд анхаарлаа хандуулж, хоёр улсын дунд санаатай хагарал үүсгэхгүй байхыг Оросын Гадаад хэргийн яам, “НАТО”-гоос шаарджээ.
Б.Дэлгэрцэцэг
Уншиж байна |