Улаанбаатар
Пара таеквондогийн тамирчид дэлхийн аварга болжээ
2015-10-7

Өнөөдөр Эрүүл мэнд, спортын дэд сайд Т. Болдбаатар Пара таеквондогийн дэлхийн аварга шалгаруулах тэмцээнд амжилттай оролцсон баг тамирчидаа хүлээн авч уулзлаа.

 

Уг тэмцээн нь Турк улсын Самсун хотноо өнгөрөгч 09 дүгээр сарын 16-18-ны өдрүүдэд болсон юм.

 

Тэмцээний К42 ангиллын 61 кг-д оролцсон Г.Болор-Эрдэнэ алтан медаль, О.Энхтүвшинзаяа хүрэл медаль, К42 ангиллын 61 кг-д оролцсон Б.Шинэбаяр мөнгөн медаль хүртсэн байна.

 

Мөн ОХУ-ын Сочи хотод 2015 оны есдүгээр сарын 26-наас 10 дугаар сарын 03-ны өдрүүдэд зохиогдсон Тэргэнцэртэй болон тайралттай иргэдийн дэлхийн наадамд Пара таеквондогийн тэмцээний К42 ангиллын 61 кг-д оролцсон О.Энхтүвшинзаяа хүрэл медаль, К42 ангиллын 61 кг-д оролцсон Б.Шинэбаяр хүрэл медаль, 75кг-д Г.Анхбаяр хүрэл медаль, К43 ангилалын 61 кг-д Ц.Даваачулуу мөнгөн медаль хүртсэн талаар Монголын Пара таеквондогийн холбооны ерөнхийлөгч н.Мөнхбаатар салбарын дэд сайддаа танилцуулсан.

 

 

Т.Болдбаатар дэд сайд нийт тамирчиддаа баяр хүргэж, улам их амжилт хүсээд ирээдүйн олимпийн аваргууд болоорой хэмээн ерөөсөн.

 

Мөн тэрбээр “Манай ардчилсан Ерөнхийлөгч спортынхоныг маш сайн дэмждэг. Спортын салбарт таван зарлиг гаргасан бөгөөд хамгийн сүүлд багийн спортыг дэмжих байсан. Пара таеквондогийн төрөл олимпид орсон учраас манай яам бодлогоороо дэмжих ажиллах болно”  гэдгээ уламжилсан юм.'

Shuud.mn
Сонин хачин