АНУ-ын Сансар судлалын хүрээлэн буюу “NASA”-ийн 2010 онд Ангараг гариг руу хөөргөсөн “Сониучхан” өөрөө явагч хөлөг тус гаригаас тун сонирхолтой зургийг эх дэлхий рүү илгээсэн тухай “www.dailymail.co.uk” мэдээллээ.
Зургаас харвал Ангараг гариг дээр Будда бурхны хөшөө байгаа нь харагдах юм.
“Завилж суугаад, зүүн тийшээ харж буй дээрх биет Буддагийн хөшөөтэй тун адилхан харагдаж байна” хэмээн “NASA” твиттертээ жиргэжээ. Тус хөшөө Ангараг гаригийн Хэнтер гэх хад орчимд оршин байгааг тогтоосон байна.
Гэхдээ олон нийт энэхүү биетийг Буддатай адилхан гэхээсээ илүү хүний дүрстэй тун төстэй байна гэжээ.
Энэ сарын эхээр тус гариг дээр ус урсаж байгааг баталсан билээ. Эрдэмтэд Ангараг дээр амьдрал байх боломжтой хэмээн мэдэгдэж, 2018 онд амьд биет хөөргөхөөр төлөвлөж буйгаа саяхан мэдэгдсэн юм. Ангараг дээр ажиллаж буй өөрөө явагч хөлгүүд хавч, сармагчин гэх мэт амьтантай төстэй биетийн зургийг илгээж байжээ.
Б.Дэлгэрцэцэг
Уншиж байна |