УИХ-ын чуулганы үдээс хойшхи нэгдсэн хуралдаан эхэллээ. Үдээс хойшхи хуралдаанаар УИХ-ын гишүүн Г.Уянгаас “Зоос банк” ХК-ийг татан буулгасан ажиллагаа болон хувьцаа эзэмшигчдийн эрхийг хамгаалах, хохирлыг хэрхэн барагдуулах талаар Монгол банкны ерөнхийлөгч Н.Золжаргалд тавьсан асуулгыг хэлэлцэх юм. Асуулгын хариуг Монгол банкны дэд Ерөнхийлөгч н.Жавхлан хариуллаа.
Монгол банкны Ерөнхийлөгчийн тушаалаар 2009 оны 11 дүгээр сард “Зоос” банкийг татан буулгах шийдвэр гаргажээ. Засгийн газраас 2011 онд “Зоос” банкинд бүтцийн өөрчлөлт хийхээр 100 тэрбум төгрөгийн бонд гаргажээ. “Зоос” банкинд эрх хүлээн авагч томилогдсоноос хойш тус банкинд төлбөрийн нэхэмжлэлтэй этгээдүүдэд нийт 58.5 тэрбум төгрөгийн актив хөрөнгө эргэн төлүүлж, 51.8 тэрбум төгрөгийн өр төлбөрийг барагдуулсан байна.
Эрх хүлээн авагч нь Засгийн газрын бондын хөрөнгийг 2010 оны 8 дугаар сараас төлж эхэлсэн бөгөөд 2014 оны байдлаар 34 тэрбум төгрөгийг төлж, 61 тэрбум төгрөгийн үлдэгдэлтэй байгаа аж. 2014 оны 4дүгээр сарын байдлаар 222 зээлдэгчийн 74 тэрбум төгрөгийн чанаргүй зээлийн үлдэгдэлтэй байгаа гэнэ. Зоос банк нь 2014 оны байдлаар 146 сая төгрөгийн цэвэр актив хөрөнгөтэй, 66.2 тэрбум төгрөгийн өртэй, 66 тэрбум төгрөгийн хуримтлагдсан алдагдалтай байгаа гэнэ.
“Тухайн үед Засгийн газрын тогтоол гарч, Зоос банкийг татан буулгаж, Төрийн банкийг байгуулсан. Иргэдийн хадгаламжийг Төрийн банкинд шилжүүлсэн. Анод банктай холбоогүй, шууд утгаараа УИХ-ын гишүүдтэй холбоотой зээл байхгүй. 130 тэрбум төгрөгийн чанаргүй актив үлдсэн. Үүнээс өнөөдөр 69.7 тэрбум төгрөгийн зээлийн үлдэгдэлтэй байна. Нийт зээлийн багцын 80 хувь буюу 58.5 хувь нь “Олон Овоот” компанийн зээл гэнэ.
УИХ-ын гишүүн Г.Уянга “Жижиг хувьцаа эзэмшигчид Ч.Улаан, Д.Лүндээжанцан, Энхболд нарын гишүүн байдаг юм билээ. Европын сэргээн босголтын хөгжлийн банкны хувьцаа эзэмшигчийг төлөөлөгчтэй С.Баярцогт Сангийн сайд байхдаа гэрээ хийсэн байдаг. 53 хувийг нь эзэмшиж байсан н.Батбаяр гэдэг хүн 53 тэрбум төгрөгийг Монгол банкнаас гаргуулж авсан гэж үнэн үү? Сү.Батболд гишүүн тухайн үед Ерөнхий сайдаар томилогдсоны дараагаар анхны шийдвэрээ “Зоос” банктай холбогдуулан гаргаж байсан” гэлээ. Үүнд “Зоос банкны хувьцаа эзэмшигч Цэрэнжав гэж хүн байдаг. Энэ хүн Европын сэргээн босголт, хөгжлийн банкны хувьцаа эзэмшигч С.Баярцогт байдаг гэж ханддаг. Манайд тийм зүйл байхгүй” гэсэн хариултыг Сангийн яам мэдээлсэн юм.
Эрх хүлээн авагчийг гурван удаагийн шийдвэрээр эргэж сунгасан байна. Тодорхой хэмжээний цалин авч байгаа. Ажлынх нь хувьд хүнд ажил. Эрх хүлээн авч сард 5 сая төгрөгийн цалин авдаг гэдгийг Монгол банкны удирдлага мэдээллээ.
Ийнхүү УИХ-ын гишүүн Г.Уянгын тавьсан асуулгын хариуг хэлэлцээд өнөөдрийн хуралдааныг өндөрлүүлэв.
Н.Энх
Уншиж байна |