Сирийн Ерөнхийлөгч Башар аль Ассад өнгөрөгч долоо хоногт ОХУ-ын нийслэл Москва хотноо төрийн айлчлал хийсэн билээ. Тэрбээр 2011 оноос хойш Дамаскийг орхин гараагүй юм. Ассад, Путин нар сүүлийн үеийн асуудлаар ярилцсан бөгөөд өнөөдрийг хүртэл удирдагчид юуны талаар ярилцсан нь нууц хэвээр байна.
АНУ тэргүүтэй барууны орнууд Ассадын айлчлалыг эсэргүүцэж, “хямралыг улам даамжруулах үйл явдал боллоо” хэмээн мэдэгджээ.
Тэгвэл Дамаск болон Сирийн зарим хотод Ассадыг Сирийг орхин гарахыг шаардаж, иргэд эсэргүүцлийн жагсаал зохион байгуулсан тухай “ВВС” агентлаг мэдээллээ. Иргэд “Ассад, Путин нарын зургийг барьцгааж Оросын тусламж бидэнд хэрэггүй. Ассадыг Москвад байршуул” гэж хэлжээ.
Жагсаалд 2000 гаруй иргэн оролцсон бөгөөд цагдаагийнхан хэт даврагчдаас сэрэмжилж, жагсаалыг хүчээр тараасан байна.
Б.Дэлгэрцэцэг