Ерөнхий сайд асан Н.Алтанхуяг өөрийн зөвлөхөөр ажиллаж байсан Л.Гансүхийг эргэжээ. Тэрбээр энэ тухайгаа өөрийн цахим хуудсандаа "Гансүхээ дахиад эргэлээ. Өөрийнх нь төлөө санаа тавьж, дэмжиж байгаа бүх хүмүүст баярлаж байгаагаа хэлүүллээ" хэмээн бичсэн байна.
Түүний энэхүү жиргээнд дагагчид нь "80 000 төгрөгөөр гэр хорооллынхон авдаг байсан нүүрсийг болиулснаар одоо 150 000 төгрөг болчихсон байна гэнэ лээ", "Манай томчууд нүүрсний наймаа эрхэлдэг юм билээ, тэрүүнд нь Гансүх гай болсон гэнэ лээ" "яс юман дээр мөнгө гуссан уу гуссан ял авсан уу авсан та хууль зөрчиж эргэсэн үү эргэсэн энэ л үнэн" гэхчлэнгээр өөр өөрийн үзэл бодлоо илэрхийлжээ.
Л.Гансүх нь “Нүүрс” хөтөлбөрийг хэрэгжүүлэхдээ албан тушаалаа урвуулан ашиглаж, улсад 3.6 тэрбум төгрөгийн хохирол учруулсан хэргээр шүүхээс 4.6 жилийн ял сонссон юм.
Уншиж байна |