Гамшгаас хамгаалах иж бүрэн сургуулийн хүрээнд Баян-Овоо сумын нутаг дэвсгэрт болсон газар хөдлөлтийн улмаас сумын барилга байгууламжийн 75 хувь нь нурж, харилцаа холбоо тасарч сумыг нүүлгэн шилжүүлэх шаардлагатай болсон гэсэн цагийн байдлыг дагуу иргэдийг аюулгүй газар түр нүүлгэн шилжүүлэх дадлага сургуулийг зохион байгуулжээ.
Уг дадлага сургуульд сумын 51 өрхийн 207 иргэнийг хамруулж сумаас 4 км зайд Улаан чих гэдэг газар нүүлгэн шилжүүлсэн байна. Уг үзүүлэх дадлага сургуулийг олон улсын нүүлгэн шилжүүлэлтийн стандартын дагуу зохион байгуулсан бөгөөд НҮБ-ын хүмүүнлэгийн тусламжийн удирдах багийн гишүүн, ОУШХБ-ын ажилтан Р.Оюунбилэг зөвлөн ажиллав.
Дадлага сургуулийн үеэр банк, сургууль, цэцэрлэг, дэлгүүр, эмнэлэг зэрэг төрийн үйлчилгээг иргэдэд хүргэн ажиллажээ. Үзүүлэх дадлага сургуулийн үйл ажиллагаатай танилцсан ОБЕГ-ын дарга, бригадын генерал Т.Бадрал, нүүлгэн шилжүүлэлтийн жишиг болохуйц дадлага сургууль боллоо гэж онцолсон гэж Баянхонгор аймагт ажиллаж буй ОБЕГ-ын хэвлэл, мэдээллийн ажилтан мэдээллээ.
Б.Хүлэг
Уншиж байна |