Улаанбаатар
Монгол Улс НҮБ-ын Хүний эрхийн зөвлөлд сонгогдлоо
2015-10-29

НҮБ-ын Ерөнхий Ассамблейн 70 дугаар чуулганы үеэр буюу өчигдөр Нью-Йорк хотноо болсон НҮБ-ын Хүний эрхийн зөвлөлийн гишүүдийг сонгох сонгуульд манай улс НҮБ-ын гишүүн 172 орны саналыг авч, НҮБ-ын Хүний эрхийн зөвлөлийн гишүүнээр сонгогджээ.

 

Ийнхүү Монгол Улс НҮБ-ын Хүний эрхийн зөвлөлийн гишүүнээр 2016-2018 онд ажиллана. Энэ хугацаанд хүний эрхийг хамгаалах чиглэлээр олон улсын хамтын нийгэмлэгийн үйл хэрэгт хувь  нэмрээ оруулах, олон улсын хэмжээнд шийдвэр гаргах түвшинд ажиллах боломжтой болж байгаа юм.

 

Ази, Номхон далайн бүлэгт ногдож буй таван суудлын төлөө нийт долоон орон өрсөлдсөн бөгөөд Монгол Улс хамгийн олон саналыг авсан байна. Манай улстай өрсөлдсөн Арабын Нэгдсэн Эмират Улс 159, Киргиз 147, БНСУ 136, Филиппин 113 улсын саналыг тус тус авч, Хүний эрхийн зөвлөлийн гишүүнээр сонгогдсон байна.

 

 

 

Shuud.mn
Сонин хачин
guest:
No human right in Mongolia. Human right fight is there. Look at Parliament.
2015-10-29