Сэтгүүлч Л.Мөнхбаясгалан "Цензургүй яриа-Хавдрын эсрэг" аяныг санаачлан, өрнүүлж буй билээ. Тэрбээр хорт хавдрын эсрэг энэхүү аянд төрийн түшээдээс эхлээд урлаг, спортынхоныг уриалан дуудаж, хамтддаа тэмцэхийг хүсч буй. Мөн Цензургүй яриа -Хавдрын эсрэг аяны хүрээнд бүх нийтийн гүйлтийг Үндэсний цэцэрлэгт хүрээлэнд зохион байгуулж, олны танил хүмүүсийг хамарсан хүлээн авалтыг ч хийж амжсан. Хавдар судлалын үндэсний төвд том хөрөнгө оруулалт хийх зорилготой энэхүү аянд нэгдсэн хүмүүс бодит тусламжаа илгээгээд эхэлжээ. Тухайлбал их аварга Д.Дагвадорж 10 сая төгрөг хандивлаж, тус аянд бодит хөрөнгө оруулалт хийжээ. Тэрбээр "Хорт хавдар бол айхтар өвчин гэдгийг хүн бүр мэдэж байгаа. Тиймээс бүгдээрээ нийлж, нэгэн дуу хоолой болъё" хэмээн, 10 сая төгрөгийн хандив илгээжээ.