Америкийн зарим шар хэвлэл энэ сарын 15-29-ны өдрүүдэд дэлхийд нар үзэгдэхгүй хэмээн мэдээлсэн юм. Хэвлэлүүд энэхүү мэдээллийг Америкийн Сансар судлалын хүрээлэн буюу “NASA”-ийн тэргүүн Чарльз Болден мэдэгдсэн хэмээн онцолсон билээ. Тэгвэл энэхүү мэдээллийг худлаа цуурхал хэмээн Оманы Одон орон судлалын нийгэмлэгийн тэргүүн, доктор Салах аль Шидхани мэдэгдсэн тухай “www.scmp.com” мэдээллээ.
Салах аль Шидхани “NASA-ийн ажилчдаас ухаантай хүмүүс хаа сайгүй байх юм. Цэцэн, мэргэн хэмээн өөрийгөө өргөмжилсөн тэр хүмүүсийн “15 хоног дэлхий нар үзэхгүй” гэх мэдээлэл худлаа гэдгийг мэдэгдье. Би бооцоо тавихад ч бэлэн байна. Энэ өдөр юу болохгүй” гэж хэлжээ.
Их мэдэгчид өнгөрсөн оны арванхоёрдугаар сард мөн “NASA”-ийн нэрийг барьж, дэлхий зургаан өдөр нар үзэхгүй хэмээн мэдээлж байсан. Энэхүү мэдээлэлд “NASA” албан ёсны хариу өгөхөөс татгалзсан билээ.
Б.Дэлгэрцэцэг
Уншиж байна |