Оросын тусгай хүчин өнгөрсөн сарын 30-ны өдөр Сирийн Доума хотын төвд агаараас цохилт өгөх үедээ олон иргэний аминд хүрсэн хэмээн тус улсын Хүний эрхийн байгууллагаас буруутгалаа.
Тус байгууллага “Оросын агаарын дайралтын үеэр 23 иргэн амиа алдсан. Амиа алдагсдын дунд 1-10 насны зургаан хүүхэд байгаа” гэж мэдээлжээ. Амиа алдсан иргэдээс гадна 100 гаруй хүн гэмтэж, эмнэлэгийн тусламж авчээ. Пентагон “Оросуудын агаараас дайралт өгсөн бүс нутагт хэт даврагчид эсвэл зэвсэгт бүлэглэлүүд эрхээ тогтоогоогүй байсан. Цохилт өгсөн газарт Сирийн сөрөг хүчнийхэн амьдардаг байсан” гэжээ.
Дээрх мэдээллийн дараа ОХУ-ын Батлан хамгаалах яам “Агаарын дайралтын үеэр энгийн иргэд хохироогүй” гэж мэдэгджээ. Оросын удирдлагууд Сирийн Хүний эрхийн байгууллага болон Пентагоныг мэдээллээ баталгаажуулахыг шаардсан байна.
Цагаан ордон “Оросууд Иракийн хэт даврагч “Халифын вант улс” бүлэглэл бус Сирийн Ерөнхийлөгч Башар аль Ассадыг дэглэмийг унагаахад голлох үүргийг гүйцэтгэж буй сөрөг хүчинд цохилт өгч байгаа” хэмээн мэдэгджээ.
Б.Дэлгэрцэцэг
Уншиж байна |