УИХ-ын нэгдсэн чуулганаар Өчигдөр “Төрөөс мөнгөний бодлогын талаар 2016 онд баримтлах vндсэн чиглэл батлах тухай” УИХ-ын тогтоолын төслийг хэлэлцэх vеэр МАН-ын бvлгийн гишvvд багагvй бухимдаж, УИХ-ын дарга З.Энхболд болон Монголбанкны ерөнхийлөгч Н.Золжаргал нарт бухимдлаа илэрхийлцгээсэн. УИХ-ын даргын тухайд “УИХ-ын Дэгийн тухай хуульд зааснаар явна. Өнөөдөр хэлэлцэж байгаа асуудлын тухайд гишvvдийн асуултад Монголбанкны ерөнхийлөгч биш Эдийн засгийн байнгын хорооны дарга Ж.Батсуурь хариу тайлбар хийх ёстой” гээд л алхаа тас буулгаад байсанд Л.Энх-Амгалан, Б.Бат-Эрдэнэ зэрэг гишvvд сvрхий бухимдацгаасан. Харин БНХАУ-ын Ардын банктай байгуулсан своп хэлцэлийн дагуу хараа хяналтгvй шахам авч байгаа мөнгө хоёр тэрбум ам.долларт хvрч байгаа талаар асуулт асуусан Ч.Хvрэлбаатар гишvvн Монголбанкны ерөнхийлөгч Н.Золжаргал хоёрын маргаан сvvлдээ ширvvсч уур нь хvрсэн эрхэм гишvvн танхимаас гарахдаа Н.Золжаргал ерөнхийлөгчид хэдэн ширvvн vг хэлчихээд ярвайсаар явж одно лээ. Араас нь харсаар хоцорсон Н.Золжаргал ерөнхийлөгч ч амандаа vглэсээр, хялалзсаар vлдсэн. Ер нь л төсөв мөнгө ярихаар Ч.Хvрэлбаатар гишvvний уур хvрч, уушиг нь сагсайгаад ирдэг. Аргагvй л УИХ дахь МАН-ын бvлгийн чансаатай эдийн засагч гэсэндээ өнөөдрийн улс орны эдийн засаг, санхvvг ярихаар дотор нь харанхуйлж, дэлбэртлээ уурладгийг нь ойлгож болох асуудал юм.
Эх сурвалж:
Уншиж байна |