Дуучин Крис Браун өөрийн инстаграм хуудсаараа дамжуулан эмэгтэй хүнд гар хүрэхгүй байхыг эрчүүдэд уриалсан тухай “www.hollywoodlife.com” мэдээллээ. Тэрбээр “Би өмнө нь алдаа гаргаж байсан. Гэхдээ би өөрчлөгдсөн. Залуусаа эмэгтэйчүүдийг бүү гомдоо. Тэднийг зодож бие сэтгэл санааны хохирол учруулахгүй байхыг хүсье” гэж бичсэн байна.

Крис энэхүү постоо өчигдөр 11.00 цагийн үед инстаграмдаа нийтэлсэн бөгөөд цаг орчмын дараа устгажээ. “Постоо яагаад устгасан талаараа дуучин эр тайлбарлахаас эрс татгалзсан” хэмээн “TMZ” сайт мэдээлэв.

Дуучин залуу 2009 онд экс найз бүсгүй Рианнаг зодож, нүүрэнд нь хүнд гэмтэл учруулсан бол энэ оны зургаадугаар сард найз бүсгүй К.Траныг шатнаас түлхэж, гэмтээсэн байна. Тэрбээр Рианнаг зодсоныхоо төлөө нэг жил хоригдсон бол Тран гомдол гаргаагүй юм.

Б.Дэлгэрцэцэг