Туркийн сөнөөгчдийн устгасан Оросын байлдааны онгоцны хоёр нисгэгч амиа алдсан болохыг “www.dailymail.co.uk” мэдээллээ. “Нисгэгчид шүхрийн тусламжтай Сирийн Латика хотноо газардсан” хэмээн тус улсын Батлан хамгаалах яам мэдээлсэн. Тэгвэл Сирид хяналтаа тогтоохыг санаархаж буй “Аравдугаар бригад” гэх бүлэглэл нисгэгчдийг шүхрээр газардах үед нь буудан хороосон болохоо мэдэгджээ.
Босогчид нисгэгчдийн цогцсны зургийг олон нийтийн сүлжээнд байршуулж, тэдний цогцсыг хоригдож буй дайчдаараа солих саналыг Оросын удирдлагууд тавьжээ. Мөн босогчид Оросын байлдааны онгоцыг устгасан гэсэн байна.
Амиа алдсан нэг нисгэгчийг Сергей Румянцев болохыг тогтоосон байна. Тэд хэт даврагчдад цохилт өгөхөөр нисч явсан аж. Оросын байлдааны онгоцууд Туркийн хилийг зөрчсөн учир устгасан хэмээн тус улсаас мэдэгдсэн билээ.
Б.Дэлгэрцэцэг
Уншиж байна |