УИХ-ын чуулганы нэгдсэн хуралдаанаар Ю.Цэдэнбалын мэндэлсний 100 жилийн ойг тэмдэглэн өнгөрүүлэх тухай УИХ-ын тогтоолын төслийг хэлэлцлээ. Уг хуулийн төслийг УИХ-ын гишүүн Ч.Хүрэлбаатар нарын санаачлан боловсруулсан байна. Хэлэлцэж байгаа асуудалтай холбогдуулан гишүүд төсөл санаачлагаас асуулт тавьж, хариулт авч байгаа юм.
УИХ-ын гишүүн Б.Гарамгайбаатар:
-1990 онд Ю.Цэдэнбалыг ард түмний итгэл найдварыг хөсөр хаягдуулж гээгдүүлсэн гэж МАН /МАХН/ гишүүнчлэлээсээ хөөсөн байна. МАН уучлал гуйх уу. Мөн 30 гаруй мянган захидал бичиг баримтыг гээгдүүлс эн байна. МАН үүндээ хариуцлага хүлээх үү? Ч.Хүрэлбаатар УИХ-ын гишүүнээс гадна МАН-ын хариуцлагатай нарийн бичгийн дарга хүн. Энэ хүнийг хөөсөн намын нарийн бичгийн дарга яагаад энэ асуудлыг оруулж ирж байна вэ?
-Та жаахан том бай, хэтэрхий жижиг байна. Хөгжлийн банк, Самурай бонд дээр гарсан асуудлаас та үүнийг хэлж байгаа бол хэтэрхий жижиг байна. 1940 батлагдсан Үндсэн хууль дээр “МАХН хөдөлмөрчин ардын тэргүүнд явах хүчин мөн” гэж, 1960 онд батлагдсан Үндсэн хуулиар “МАХН бол төр нийгмийг чиглүүлэгч хүчин” гэж тус тус тухайн үеийн тогтолцоо нь явж байсан юм. Одоо үеийн МАН руу чихэж болохгүй. Би үүнийг санаачилсан, МАН-ын нарийн бичгийн дарга мөн. Харин энэ төслийг МАН, АН, “Шударга ёс” эвслийн гишүүдийн гарын үсэг зурж өргөн барьсан.
УИХ-ын гишүүн Ц.Нямдорж:
1990 оны 3 сарын 14-ний өдөр МАХН-ын 8 дугаар тогтоол гараад Ю.Цэдэнбал даргыг намын гишүүнээс хөөсөн. Тэр үед нийгэм бүхэлдээ бужигнаж байсан ухаангүй үе. 1997 онд УИХ-ын тогтоол гаргаж Ю.Цэдэнбал даргыг намын гишүүнээс хөөсөн тогтоолыг хүчингүй болгосон. 2000 онд Н.Энхбаяр МАХН-ын дарга байхдаа ард түмнээсээ уучлал гуйсан юм гэлээ.
Чуулганы хуралдаан үргэлжилж байна.
Уншиж байна |