Парис хотноо болох Дэлхийн цаг уурын өөрчлөлттэй тэмцэх олон улсын чуулга уулзалтын үеэр Туркийн Ерөнхийлөгч Режеп Тайип Эрдоган, ОХУ-ын Ерөнхийлөгч В.Путинтай уулзахыг хүссэн талаар “France 24” телевиз мэдээллээ. Эрдоган “Би Оросын төрийн тэргүүнтэй уулзах саналаа тус улсын албаны хүмүүст мэдэгдсэн. Өнөөдрийн байдлаар хариу аваагүй байна” гэж хэлжээ.

Кремлийн хэвлэлийн төлөөлөгч Дмитрий Песков “Уулзалт болох эсэх нь тодорхойгүй байна” хэмээн мэдэгджээ.

Туркийн сөнөөгч онгоц Оросын байлдааны онгоцыг сүйрүүлснээс болж хоёр улсын харилцаа муудаад байгаа юм. Оросын онгоц Туркийн агаарын хилийг зөрчсөн учир гал нээсэн хэмээн Туркийн тал мэдээлсэн бол ослоор амьд үлдсэн Оросын нисгэгч туркууд анхааруулга өгөөгүй шууд гал нээсэн гэж мэдэгджээ.

Б.Дэлгэрцэцэг