Чебоксары хотноо болсон Оросын цомын нээлттэй тэмцээнд оролцсон Монгол Улсын тамирчид багийн дүнгээр дэд байрт шалгарлаа.
Энэ сарын 11-12-ны өдрүүдэд болсон бөхийн чөлөөт барилдааны тус тэмцээнд манай найман бөх хүч үзсэнээс долоо нь медалийн төлөө өрсөлдөж, тав нь медалийн тавцанд зогслоо.
Олон улсын хэмжээний мастер П.Орхон 58 кг-ын жинд аваргалав. 53 кг-д олон улсын хэмжээний мастер Д.Отгонцэцэг, 63 кг-д гавьяат тамирчин, дэлхийн хошой аварга С.Батцэцэг мөнгөн медаль зүүжээ. Мөн 58 кг-д олон улсын хэмжээний мастер А.Батцэцэг, Б.Шоовдор нар хүрэл медалийн тавцанд зогссон байна. Ийнхүү амжилтаар Монгол Улс тамирчид багийн дүнгээр аман хүзүүдсэн байна.
Б.Бэхи
Уншиж байна |