Канадын Ерөнхий сайд Жастин Трудо энэ сарын эхээр иргэний дайн дэгдээд буй Сири улсын иргэдийг хүлээн авна хэмээн мэдэгдсэн билээ. Тус улс энэ оны арванхоёрдугаар сараас ирэх оны гуравдугаар сар хүртэл Сирийн 25 мянган иргэнд орогнол олгохоо илэрхийлсэн. Гэхдээ энэ сарын эцэс гэхэд 10 мянган дүрвэгчид орогнол олгохоор төлөвлөж байна.
Канадчууд өчигдөр Сирийн 163 иргэнийг хүлээн авчээ. Трудо дүрвэгсэдтэй уулзах үеэрээ “Бидний итгэлийг бүү алдаарай. Та бүхэнд итгэж байна. Энэ бол гайхалтай үдэш” хэмээн мэдэгджээ.
Парисын халдлагын дараа Трудо дүрвэгсдийг хүлээн авах ажлаа зогсоож буйгаа мэдэгдсэн билээ. Европын холбооны шахалтаас болж Канад дүрвэгсдэд хилээ нээсэн бөгөөд хатуу хяналт тавихаа сануулсан юм. Тус улс ойролцоогоор 5400 дүрвэгчид орогнол олгожээ.
Б.Дэлгэрцэцэг
Уншиж байна |