Улсын Ерөнхий Прокурорын газрын Ял эдлүүлэх ажиллагаанд хяналт тавих хэлтсийн дарга Ц.Мөнхбатыг Хүний эрхийн Үндэсний Комиссын дээд шагнал "Хүний эрх” хүндэт тэмдгээр шагналаа. Шагналыг Хүний эрхийн Үндэсний Комиссын дарга Ж.Бямбадорж өнөөдөр гардуулан өгөв.

Ц.Мөнхбат нь 1985 онд УЕПГ-ын бичиг хэргийн ажилтнаас ажлын гараагаа эхэлж, Хэнтий, Дорноговь, Говьсүмбэр, Булган, Төв аймаг, Нийслэлийн болон УЕПГ-т прокурор, Ял эдлүүлэх ажиллагаанд хяналт тавих хэлтсийн даргаар 30 гаруй жил ажиллахдаа хэрэг бүртгэлт, мөрдөн байцаалтын үйл ажиллагаанд хяналт тавих, хүний эрхийн зөрчлөөс урьдчилан сэргийлэх чиглэлээр амжилт гаргасан тул ийнхүү шагнаж байгаагаа Комиссын дарга Ж.Бямбадорж илэрхийлжээ.