Согтуурсан иргэн агааржуулах хоолойд орж гацсан байсныг онцгой байдлын алба хаагчид гаргажээ.

Баянзүрх дүүргийн 16 дугаар хороо, 18 дугаар байр мансардтай 6 давхар орон сууцны агааржуулах хоолойд хүн гацсан байна гэсэн дуудлага онцгой байдлын албанд иржээ.

Дуудлагын дагуу нийслэлийн Аврах ангийн бүлгийн алба хаагчид очиж иргэн Г согтуурсан үедээ барилгын дээврээс агааржуулах хоолойгоор бууж байгаад гацсан байсныг гаргаж тус дүүргийн цагдаагийн бүрэлдэхүүнд хүлээлгэн өгсөн байна.