Нийслэлийн Сонгинохайрхан дүүргийн 32 дугаар хорооны нутаг дэвсгэрт үйл ажиллагаа явуулдаг “Гранд повер” ХХК-ийн Нүүрсний хийн үйлдвэрт 11 иргэн хорт хийнд хордсон осол өнгөрөгч баасан гарагт гарчээ.
Ослын улмаас “Хий дамжуулах хоолойн худаг”-т засварлах ажлаар орсон гагнуурчин БЗД-14 хороонд оршин суух Ө /эр,39н/, инженер Өвөрхангай аймаг Бат-Өлзий суманд суух Л /эр.23н/, нярав Сэлэнгэ аймаг Мандал суманд суух Б /эр.24н/ нар ил харагдах гэмтэл шархгүй хордож угаартсан байдалтай нас барсан байжээ.
Ослын газарт ажилласан НОБГ-ын ЭХАС-ын багийн аврагчид химийн бодист хордсон найман хүнийг аварчээ. Хордсон иргэн Э /46 настай, эрэгтэй/, Э /40 настай, эрэгтэй/, М /33 настай, эрэгтэй/, Б /33 настай, эрэгтэй/, Б /23 настай, эрэгтэй/, Б /23 настай, эрэгтэй/, Ү /22 настай, эрэгтэй/, Д /22 настай, эрэгтэй/ нарыг Хордлогын яаралтай тусламжын үндэсний төвд шилжүүлэн өгчээ. Тэднээс иргэн Э /46 настай, эрэгтэй/, Э /40 настай, эрэгтэй/, М /33 настай, эрэгтэй/ нар биеийн байдал сайн байсан тул өөрсдийн хүсэлтээр эмнэлгээс гарсан, хэвтэн эмчлүүлж байгаа таван иргэний биеийн байдал сайжирч байгаа аж.
Тус объектыг НМХГ, НОБГ-аас шалгахад агаарт H2S 16%, органик уур 64% “Аюултай нөхцөл” үүсэн тул Хэв журмын хамгаалалтанд авчээ. Уг хэргийг Сонгинохайрхан дүүрэг дэх цагдаагийн нэгдүгээр хэлтэст шалгаж байна.
Б.Хүлэг
Уншиж байна |