УИХ дахь АН-ын бүлгийн ээлжит хуралдаан өндөрлөлөө. Бүлгийн хуралдаанд УИХ-ын дарга З.Энхболд, Ерөнхий сайд Ч.Сайханбилэг нар мэдээлэл хийжээ. Хуралдаанаар Сонгуулийн тухай хуулийн төслийн талаар ярилцсан байна.

Өнгөрсөн долоо хоногийн баасан гаригт УИХ дахь АН-ын бүлгийн гишүүд бүлгийн даргынхаа өрөөнд хуралдсан аж. Мөн өнгөрсөн амралтын өдрүүдэд хоёр намын төвшинд Сонгуулийн хуультай холбоотойгоор таван асуудлаар зөвшилцөлд хүрчээ. Ямартай ч өнгөрсөн хугацаанд сөрөг хүчний зүгээс тавьж ирсэн саналын хуудсыг гараар давхар тоолох гэдэг асуудлыг шодож хяналтын тооллого хийлгэнэ гэж өөрчлөхөөр болсон аж. Сонгуулийн тогтолцоо одоогийн 48х28 хувилбараараа байх зэрэг тохиролцоонд хүрчээ. Тиймээс энэ асуудлаа бүлэг тус бүр хуралдаж,  дахин ярилцсан байна.

Бүлгийн хуралдаанаар хэлэлцсэн асуудлаар сэтгүүлчдэд албан ёсоор мэдээлэл хийсэнгүй.

Н.Энх