УИХ-ын чуулганы нэгдсэн хуралдаанаар Гацууртын ордод төрийн эзэмшлийн хувийг тогтоох тухай УИХ-ын тогтоолын төслийг хэлэлцэх эсэхийг шийдэж байна. Хэлэлцэж байгаа асуудалтай холбогдуулан гишүүдийн асуултад Ерөнхий сайд хариуллаа.
УИХ-ын гишүүн Х.Болорчулуун:
-Ноён уулаас Хараа гол урсдаг. Хараа гол бохирдлоо гэж хавь орчмын хүмүүс ярьж байна. Гацууртын ордыг 100 жилийн өмнөөс ашиглахыг хориглосоор ирсэн. Хэрвээ энэ ордыг эдийн засгийн эргэлтэд оруулвал хор уршгийн хариуцлагыг хэн хүлээх юм. Та хүлээх юм уу. Битгий шалчигнаад байгаарай.
-Энэ асуудал 3 биш анх удаа орж ирж байгаа. Олон нийт өөрийнхөө үзсэн зүйлийг ярьж байна. Компанийн мэдэлд энэ ордыг өгөх гээгүй. 70 хувийнхаа үр өгөөжийг хүртэнэ. 105 сая ам.долларын өрөнд уначихаад байна. Би таны хэлснээр хариулъя. Энэ хариуцлагыг хэн хүлээх юм. Битгий шалчигнаад байгаарай. Алтны үнээсээ шалтгаалаад роялтны нэмэгдээд явах юм.
УИХ-ын гишүүн Г.Уянга:
-Оюутолгойн далд уурхайн санхүүжилтийн гэрээнд гарын үсэг зурж 4.4 тэрбум ам.доллар манайд орж ирэхээр болсон. Тиймээс Гацууртыг өршөөчих.
-Үр ашгийн хувьд хэлэлцээр хийсэн мэргэжлийн хүмүүс ярьсаар байгаад 68 хувь дээр ашгаа авчирлаа. Үүнээс илүү ашиг байхгүй. Энэ уурхайгаас орж ирэх ашгаар бид цэцэрлэг, нийгмийн хамгааллын асуудлаа шийднэ. Ноён уулын хувьд асуудлуудаа оруулсан. Ноён уулыг хамгаалалтад авна. Гацуурт бол газарзүйн хувьд өөр.
Ийнхүү гишүүд асуулт тавьж, байр сууриа хэлсний дараа Гацууртын ордыг хэлэлцэхийг дэмжих санал хураалт явууллаа. Гишүүдийн олонхийн саналаар Гацууртын ордод төрийн эзэмшлийн хувийг тогтоох тухай хуулийн төслийг хэлэлцэхийг дэмжив. Мөн Ноён уулыг тусгай хамгаалалтад авах тухай хуулийн төслийг хэлэлцэх нь зүйтэй гэсэн санал хураалтыг гишүүд дэмжсэн юм.
Н.Энх
Уншиж байна |