Хүүхдээ хаясан эхийг олжээ. Өнгөрөгч оны 12 дугаар сарын 21-22-нд шилжих шөнө "Сүхбаатар дүүргийн долоодугаар хорооны нутаг дэвсгэрт байрлах 10 дугаар байрны орцонд хүүхэд орхисон байна" гэсэн дуудлага цагдаагийн байгууллагад иржээ.

Дуудлагын дагуу Сүхбаатар дүүргийн цагдаагийн нэгдүгээр хэлтсээс шалгалтын ажиллагаа явуулж, хүүхдээ хаясан эхийг олсон байна.

Хүүхдийн ээж эрхэлсэн тодорхой ажилгүй, 22 настай Д гэгч байжээ. Тэрбээр өөрийн 1 нас, 7 сартай охиныг орцонд орхиж явсан болохыг илрүүлэн шалгаж байна.

Б.Хүлэг