Францын Ерөнхийлөгч Франсуа Олланд ажилгүйдэл ихэссэнтэй холбогдуулан нийгэм эдийн засгийн онц байдал зарласан тухай “www.dailymail.co.uk” мэдээллээ. Олланд намын удирдлагуудтай уулзах үеэрээ “Терроризмоос болж өнгөрсөн сар онц байдал зарлахад хүрсэн. Харин энэ тайван үед нийгэм, эдийн засгийн онц байдал зарлахаас өөр аргагүйд хүрлээ. Өдрөөс өдөрт ажилгүй залуусын тоо нэмэгдэж, эдийн засагт дарамт учруулж байна. Хамгийн аюултай бас сэтгэл эмзэглүүлсэн зүйл бол терроимзын эсрэг онц байдлын дараа олон мянган франц залуус ажилгүй нэгэн боллоо” гэж хэлсэн байна.
Ажилгүйдлийг буруулахад оролцох талуудад зориулан эхний ээлжинд Засгийн газар нэг тэрбум евро гаргаж, 24 сараас дээш хугацаанд ажилгүй байгаа 500 мянган иргэнийг мэргэжлийн сургалтад хамруулахаар болжээ.
Ерөнхийлөгч шинэ ажлын байр бий болгоход хоёр тэрбум евро төлөвлөж буйгаа уулзалтын үеэр мэдэгдсэн байна.
Б.Дэлгэрцэцэг
Уншиж байна |