Швед улсад цагаачлан ирсэн дүрвэгч залуу Мальдальн хотноо байрлах “Дүрвэгсдийг хүлээн авах” төвийн үйлчилгээний ажилтанг хөнөөсөн талаар тус улсын Ерөнхий сайд Стефан Лофен сэтгүүлчдэд мэдэгдсэн тухай “www.dailymail.co.uk” уламжлав.
“Уг хэрэг энэ сарын 25-ны өдрийн 21.00 цагт болсон” хэмээн цагдаагийн газраас мэдээлжээ.
Гэрчүүдийн ярьснаар “Дүрвэгч эр, үйлчилгээний ажилтантай хэрэлдсэн. Эмэгтэй түүнтэй хэрэлдэхийг хүсээгүй. Тэрээр хамгаалагч дуудах үед дүрвэгч түүнийг хутгалсан. Эмэгтэй эмнэлэгт хүргэгдсэн ч амиа алдсан” гэжээ.
Цагдаагийнхан аллага үйлдсэн дүрвэгчийг баривчилж, тус төвийг хамгаалалтадаа авчээ.
Амиа алдсан эмэгтэй 22 настай бөгөөд 2013 оны гуравдугаар сараас тус төвд Африк болон Афганистанаас ирсэн дүрвэгсдийн асуудал хариуцсан мэргэжилтнээр ажиллах болжээ.
Өнгөрөгч онд тус улс 160 мянган дүрвэгсдийг хүлээн авч, орогнол олгосон байна.
Б.Дэлгэрцэцэг
Уншиж байна |